《聲夢傳奇》學員冼靖峰（Archie）對於今次拍劇能跟前輩楊玉梅合作，他大表榮幸說：「令我諗起參加《聲夢》時同馮允謙合唱《沙沙的雨》，能夠同前輩合作機會難得，尤其係演戲方面我係新手，好驚拖累大家NG，好彩當日對戲都係一、兩Take搞掂，但演得好唔好就要留待大家到時評價。」
早前有指他放棄銀行月薪5萬之高薪工作，全情投入娛圈，他坦言事前已跟屋企人商量：「好多謝佢哋支持，講咗畀爸爸知短期內畀唔到家用，我都有積蓄可以頂住先，呢段日子如果零收入，都頂到3、4個月嘅。」
至於在劇中扮演Archie媽媽的楊玉梅，亦對「囝囝」甚為欣賞，還將開工的合照上載到社交網分享：「我的小鮮肉兒子（#冼靖峰）非常乖巧有禮貌！」
東網網站 : https://on.cc/東網Facebook專頁 : https://www.facebook.com/onccnews/