「阿嬌」鍾欣潼與台灣「醫界王陽明」賴弘國2020年5月宣布離婚，至今兩人已回復單身1年多，阿嬌就未有好消息，相反賴弘國喺尋日（14日）就喺社交網晒出為爸爸慶祝生日照，寫下：「七夕快樂，親愛的爸爸生日快樂！」相中佢同父母都笑得好開心，不過重點係佢身邊多咗個長髮女子，狀甚親密似足情侶，但賴弘國就用咗個水蜜桃貼圖遮蓋女方樣貌，非常神秘，唔通係想借七夕公開新戀情？
喺去年9月時，賴弘國2020年9月曾與餐廳總監傳出緋聞，當時佢晒出合照，用英文留言：「謝謝你照顧我的寶貝。」
東網網站 : https://on.cc/東網Facebook專頁 : https://www.facebook.com/onccnews/