馬國明走出「綠帽」陰霾 表明唔再要港女：「為錢撲過嚟嘅女仔要嚟冇意思」

上個月黃心穎被曝在車廂偷食人夫許志安，令「荀盤」男友馬國明「戴綠帽」，事後馬國明冇嬲黃心穎更出來幫她講好說話，令網友們都心痛他。早前有傳指黃心穎想同馬國明箍煲但阻到馬國明身邊朋友阻止，大家對於二人的感情狀況都非常好奇，直到今日消息指馬國明向傳媒暗示已經回復單身狀態，更講明下次搵女朋友「年紀唔細唔要港女」。

據知馬國明表示自己暫時要努力搵錢養家，因為有錢才有安全感，更強調：「錢是用來保障自己，為了錢而撲來的女仔要來都冇意思，我年紀不少不要港女。」言語間似乎在影射前女友黃心穎。此外，之前大家都擔心馬國明「戴綠帽」而心靈受創，但馬國明就指事件沒有對他帶來如大家想像般的影響。