元朗Cafe小店布丁燒超出名　週年慶新出金箔金光閃閃｜元朗｜小確幸

唔知大家有冇聽過Monde Selection，見到個藍色標籤應該都會認得，可以話係食品界嘅米芝蓮/奧斯卡，估唔到呢間小店嘅嘢食會拎過金獎，勁到痴線。

呢間甜品Cafe小店本身係主打布丁燒超出名，唔少人特登過黎買走食，呢排週年慶仲有金光閃閃，而且鋪頭最近翻新，環境唔大但木系非常舒服。

-
🦀蒜蜜辣蟹肉意粉 ($88)
蒜蜜辣呢三個字，聽到都已經覺得好食，蒜辣香超惹味，又帶點甜身，蟹肉又足料鮮甜，簡單得黎超好食。

🍵抹茶布丁燒 ($42)
🍰開心果卷蛋 ($48)
布丁燒係呢到招牌主角，呢款抹茶真係極濃郁，布丁燒硬身但非常滑，入口化開超正，而開心果Fans一定食卷蛋，散發開心果香，中間仲有煙韌麻糬。

🍨whoop•pudding 金箔版 ($77)
最近週年慶新出嘅布丁，面頭係高溶點嘅Crème chantilly，綿滑到似雪糕，底下係濃香慢煮布丁，金光閃閃超靚，第一次見咁重本嘅真金箔。

-
☕️Single origin 手沖咖啡 ($76)
值得一提呢到仲有唔少靚咖啡，連唔同Single origin嘅手沖咖啡都有，餐牌仲有超仔細介紹唔同口味。

🥨焦糖蝴蝶酥 ($88)
另外一盒盒買走嘅蝴蝶酥，真係酥脆到痴線，一層層超脆香，買走返屋企當零食超正。

-
小確幸
🗺️元朗馬田路50號朗景臺2座地下12號舖
📞52692886
❇️留意鋪頭座位唔多，但超多人特登過黎買外賣布丁燒，大家都可以黎試下。

生活