香港罕見福岡料理　主打日本產魚料燒海鮮｜尖沙咀｜博多·爐端燒

其實日本有唔少食材，香港真係進口唔到，除咗部份水產鮮魚，例如雲仙火腿、和牛牛舌牛腸咁，係香港第到真係冇，只有熟門路嘅日本師父先搵到。

唔好以為佢地係被居酒耽誤嘅布甸店，小店由日本人師父主理，特別係啲福岡料理，唔少都香港超罕見，而食材亦黎自日本，難怪平時一半客人都係日本人。

-
🧈青海苔玉子燒 ($58)
玉子燒食得多，但呢種做法第一次，用上鮮濃嘅青海苔，味道比一般紫菜鮮甜，玉子燒又夠香甜香嫩，真心必叫。

🦪褔岡系島燒蠔 ($58)
🥓博多鰯魚明太子 ($98)
🥓長崎對島產黃金穴子 ($398)
燒海鮮都係主打，用上日本產魚料，例如系島出名嘅燒蠔，師父都帶埋黎香港，仲有釀入明太子嘅博多鰯魚，鮮濃鹹香，香港都係第一次食到。

🥩極上和牛牛舌 ($258)
燒物肉類方面，唔少都得呢到先有，和牛牛舌日本一向難出口，燒到焦香之餘，內裡保持粉嫩，和牛油脂香濃。

🍗雞翼一夜干 ($88)
🍖長崎雲仙火腿 ($88)
而長崎嘅雲仙火腿又係第到冇，呢到日本師父先入到，仲有將雞翼做成一夜干，燒到皮脆肉香，師父功架十足，兩款都鎖緊肉汁，一咬Juicy。

🥘久留米風西班牙黑毛豚腩肉 ($258)
主打福岡料理嘅佢地，連久留米市都唔放過，基本上各地嘅風格料理都做哂，呢款同樣燒到軟嫩多汁，仲有師父自製嘅漬物配菜都超出色。

-
🍱柳川名物特上鰻魚蓋飯 ($398)
福岡柳川一向出名鰻魚飯，呢到就夠哂正宗，鰻魚烤得肥嫩，個鰻魚飯底都超正，將自家醬汁混和，夠哂濃郁入味，令人食唔停口。

🍲牛腸鍋 (1日前予約 $598)
福岡最出名嘅牛腸鍋，用上宮崎產嘅和牛腸，呢到竟然都入到，入口油香爆炸，最尾記得加麵，索哂啲和牛腸油脂。

🍮天神布丁 ($48)
🍮桶裝布丁500ml ($198)
🍮桶裝布丁2L (2日前予約 $498)
片中超誇張巨型嘅，就係8-12人份嘅2L桶裝布甸，聽講唔少人訂黎當生日蛋糕，而一人份天神布甸唔同啲，口感更滑嫩，蛋香奶香濃郁，可以落埋海鹽檸檬出邊少有。

-
博多·爐端燒 @hakata.hk
🗺️尖沙咀金巴利道82A-84A號金閣大廈地舖
📞31119003

生活