請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

政Whats噏:赴「洪門宴」議員重返立會 陳仲尼邱達根稱會更謹慎

陳仲尼話喺營內有繼續開會。(陳嘉順攝)
陳仲尼話喺營內有繼續開會。(陳嘉順攝)
邱達根就呻隔離營做唔到運動。(陳嘉順攝)
邱達根就呻隔離營做唔到運動。(陳嘉順攝)
張宇人今日戴咗2個口罩。(陳嘉順攝)
張宇人今日戴咗2個口罩。(陳嘉順攝)

因出席「洪門宴」同確診者同場被送到竹篙灣檢疫中心嘅4名議員,由於檢疫期縮短,早前都陸續離營。其中選委會界別嘅陳仲尼同科技創新界嘅邱達根今日(25日)就重返立法會,一齊出席財經事務委員會嘅正副席選舉,佢哋都話明白身份改變,經過今次事件後會更加謹慎。

邱達根就話隔離營上網都做到好多嘢,大部分時間都係開會,有時都會睇吓戲同埋同屋企人視像通話,不過佢就話周末冇得做運動就比較唔慣。而經過今次事件之後,明白自己有新嘅職責,始終同以前唔同身份,處理事情上會更加小心。

而陳仲尼都話喺隔離營入面都上到網,亦都有參與各項會議,仲話立法會大會有即時轉播功能,自己都有盡責任去聽返。佢都提到自己返到屋企之後有做到防疫要求。

至於近日有專家就話如有需要可戴2個口罩,今日主持衞生事務委員會嘅主席張宇人,就被發現佢除低口罩時,原來佢都「打孖上」戴咗2個口罩,真喺以防疫為重喇!

東網網站 : https://on.cc/東網Facebook專頁 : https://www.facebook.com/onccnews/

查看原始文章