開番關首先第一站去近近地嘅澳門🇲🇴
差唔多六年無去過 原來多左咁多文青店！
呢間昭和風cafe 鄰近大三巴
平日下午喫茶時段到訪可walk-in
如果週末假日就最好預先book 位✨
午市時間只有lunch set 喫茶時段可以散叫
佢地亦有晚市時段主要食日式火鍋🍲
其實都幾想食佢地嘅蛋包飯🤣
可惜當日朝早食得太飽就淨係食左甜品
下次有機會再到訪❤️
昭和風布丁🍮 MOP $45
第一次見梯形嘅布丁～ 好可愛💫
幾鍾意呢個布丁 幾有蛋香🥰🥰
唔太大甜 質感滑溜 ✨會食到焦糖香～
平時唔太鍾意食呢啲車厘子🍒
但呢粒無藥水味👍🏻👍🏻
期間限定-白菊可可舒夫蕾 MOP $82
有提過最近都有食過幾間梳乎厘班戟！
呢間味道一樣唔錯😆😆
另有其他口味可揀: 原味/焙茶配抹茶雪糕
今次就係原味梳乎厘配白菊雪糕、朱古力醬
雪糕真係幾重白菊嘅味道
有啲似以前嘅菊花茶😛但無咁甜
朱古力醬味道微微甘苦食得出少糖
班戟重蛋香 幾有空氣感～夠鬆軟！
荔枝可可奶茶 MOP $52
飲品種類主要都係茶類 亦有手沖/ 冷泡咖啡
唔飲茶/啡都有雪糕梳打✨
呢杯可可奶茶唔會太甜 茶係現煮嘅☺️
用左英記茶莊嘅荔枝紅茶同金鳳烏龍
會嚐到茶底嘅荔枝香氣!!
加埋100% 可可、煉奶同忌廉
整體幾幼滑👍🏻而且茶同可可嘅味道的確幾平均
甜度主要來自煉奶~
📍白日 Alba @alba.macau
史山斜巷4號國恆大廈地下B 座
(大三巴胡椒餅沿路上2分鐘)
➖➖➖
分數💛(10分為滿分)
食物質素:7.8/10
環境: 8/10
服務: 8/10
價錢:7.2/10 (有加一服務)
回頭率:60%
▼Follow @sa_foodieadventure