雨僑在節目中大爆老公羅力威是豬隊友
《日日媽媽聲》第二輯，昨晚（19日）播出第9集，請來雨僑、章志文及張彥博擔任嘉賓。平日看見雨僑與老公羅力威愛得甜蜜，但她竟然在節目中大爆老公羅力威是豬隊友。雨僑透露懷孕期間，老公對她無微不至，原以為老公將來湊BB亦會得心應手，原來只是錯覺，更是「豬隊友」！雨僑指生完囡囡後，由於沒有請工人姐姐和陪月，全靠家中「長老」幫忙，而老公對如何湊BB則無從入手，餵奶、換衫及換片都有困難，她說：「幫BB換衫佢一定揀扣鈕衫，但係下半身永遠冇扣好。」
雨僑又力數老公四宗罪，包括「冇起身照顧BB」、「永遠餵唔到奶」、「爆片處理唔到」及「連BB都向佢Say No唔俾抱」。她指與囡囡是「前世仇人」多於「情人」的羅力威，連帶囡囡報讀幼稚園都會出事，她說：「老公平時講嘢會比較緊張，所以事前記低咗啲答案，當老師問到小朋友嘅喜好時，老公衝出嚟話：『我小動物最鍾意小朋友……』佢調轉晒啲前前後後！」雨僑笑指囡囡現在雖然只能說簡短句子，但表達能力都比爸爸好。
雨僑力數老公四宗罪
