劉德華監製兼主演的電影《潛行》，在香港經已上畫第二周。截至1月19日，電影上映9日累積票房直迫一千萬。昨晚（19日) 華仔繼開畫日後，連走三場，再度現身戲院謝票，給觀眾帶來驚喜之餘，他潛入觀眾席，近距離觀察影迷反應。現場戲氣氛令他勾起從前入場與觀眾觀看午夜場的回憶。
華仔第二度謝票，有一場他坐最後一排以感受觀眾看到電影結局的反應，看到反應好，自己特別開心。有觀眾發現華仔身影時好意外，歡呼聲隨即此起彼落。有10歲小妹妹跟父母入場，華仔笑說：「我會一直拍下去，希望你哋個孫第時都會入場﹗」他滿足大家要求，跟全場觀眾影大合照留念。
華仔直言上一次類似的經歷已是多年前的事：「入戲院同觀眾一齊感受，以前午夜場先試過，即係1990年代，由2000年打後我都好少真係入場坐喺度，首映都會入場，但當真真正正睇到平日入場嘅觀眾反應，嗰種感受好唔一樣。」
（即時娛樂）
