無綫小花鄺潔楹（Judy）近日於無綫台慶劇《羅密歐與祝英台》喊戲相當吸睛，被指「夠晒楚楚可憐」，不過曾透露有向好友林凱恩請教喊戲秘訣的她，今次卻完全是靠自己，她說：「我要多謝自己，演呢場戲之前兩日，我都係演情緒低落戲，但我覺得自己做得唔夠好，有啲唔開心仲喊咗。跟住我就同自己講，成日問人哋有咩方法演，但其實到最後都係要靠自己，我真係要諗一個方法去解決。因為我自己睇戲都易喊，所以我嗰日一開工就先將自己擺落情緒低落嘅位，然後匿埋上網摷啲唔係咁開心嘅片段睇，之後再去投入番場戲就易Handle啲。」
談到劇中與江美儀不乏對手戲，Judy感謝對方給予貼士之餘，還很照顧她：「有場NG咗5、6次都做唔好，美儀就叫大家畀我抖抖先，佢驚我再做落去會緊張。」
東網網站 : https://on.cc/東網Facebook專頁 : https://www.facebook.com/onccnews/
留言 0