《試當真》首創NFT作門票踩入戲院！游學修：好大滿足感

網上平台「試當真」早前推出NFT，掀起一陣熱議。為答謝一眾購入NTR的持有人（ Fo毛），3位主創游學修（阿修）、蘇致豪（蘇豪）、許賢以及7位成員陳苡臻（Jessica）、倪安慈（阿慈）、吳家忻（Kayan9896）、林家熙（Locker）、岑珈其（Kaki）、陳穎欣（Yanny）及潘宗孝（Ernest）現身昨晚（6月5日）的《試當真實體謝票場》，首次與NTR持有人面對面交流。

過往試當真的謝票場都在網上進行，但昨晚的《試當真實體謝票場》讓約400位Fo毛置身現場參與謝票場直播。其實活動原訂於5月舉行，不過因為疫情及種種原因而延至6月，阿修道：「受疫情影響，都擔心幾時搞到，但好彩多謝政府開放返啲，而家可以現場搞，開心死，而且仲可以食爆谷，唔使戴口罩。今日可能有啲混亂，始終第一次，希望各位多多包涵，但我哋事前都做足準備，例如到現場技術上嘅測試，又同唔同工作人員試一次唔同嘅execution（執行）。不過我哋都算On schedule，就如開賣NFT前所講，戲院一開返籌備謝票場。」

有別於一般謝票場，今次《試當真謝票場實體版》首創以NFT做門票，阿修指優點甚多，他說：「以NFT做門票入場，一來私隱度高，二來可以轉手，嚟唔到都可以放俾人去睇。因為每個月都會發生呢件事（謝票），慢慢用到NFT嘅可能性，好大滿足感。嚟緊舞台劇因為關乎售票網，NFT就好似換票證，可以換返E-Ticket，但同樣唔再需要實體門票。」被問到這是否可以杜絕黃牛，阿修道：「黃牛就係令想睇嘅人要喺出面買非法貴飛，NTR嘅人可以優先免費有最貴飛，確保有得睇，睇唔到亦可以轉讓。冇買NFT嘅亦有公開售票可以買到。 」

而昨晚直播期間，阿修透露因《共享擔遮》一片因未趕及過電檢而不能放映，但無損心情，更說：「今次係第84周，將件事帶返嚟戲院搞謝票場，絕對係一件盛事。」他更透露Channel將重啟「編劇試當真」，任何人都可以投稿，並交由NTR持有人投票選出心水劇本，試當真將會每個月拍攝一條，成為試當真影片，他更說：「到時大家就知道拍片有幾艱難。」

昨晚現場觀眾的興奮程度也不遜於阿修，全晚不停要求阿修唱歌，結果阿修抵受不住觀眾的熱情，獻唱羅志祥的〈精舞門〉，而昨晚的謝票王珈其也在觀眾起哄下，被要求唱出他曾在組合PlayTime年代唱過的〈說說〉，為全晚的謝票場掀起高潮。