歌手連詩雅（Shiga）今日現身拜神儀式，透露最近忙於拍攝與蝦頭主持的網上節目《絲打圍爐》，她說：「以前我哋只會請女嘉賓，最近我哋開始請男嘉賓，第一男嘉賓就係火火，我哋傾咗4個鐘，講到聲都沙，估唔到我出道12年依家終於被發掘原來我都可以做主持，雖然唔係好叻，但好開心，乜嘢年齡層都話有睇我嘅節目。」問到拍拖，她以「私人事唔講」作回應，至於問到會否請男友陳家樂做節目嘉賓？她說：「等節目組話事，我比較被動，暫時請網紅先。（請家樂會尷尬？）由佢哋話事，我費事建議咁多，第一批想搵啲成熟、40幾歲同結咗婚嘅男士。（你想唔想請佢做嘉賓？）等佢哋安排，我OK，我比較被動。（感情上都係被動？）我最大嘅問題係所有事都好被動。」另外，Shiga表示很期待有份主演的劇集《旁觀者》能早日推出，她說：「個角色係我入行以嚟最慘嘅角色，好多內心掙扎戲，又要畀人侵犯，好多喊戲。」
東網網站 : https://on.cc/東網Facebook專頁 : https://www.facebook.com/onccnews/
