藝人謝東閔於無綫劇《廉政行動2022》扮演一名唯利是圖的律師，除文戲外，還要挑戰動作場面。自言身手未夠靈活的他，難忘拍攝期間被吊起遭嚴刑逼供，又試過穿西裝於旺角街頭跑足9小時，他說：「朝早8點跑到下午5點，仲要講我跑跑吓跌低，當時馬路相當繁忙，要麻煩工作人員維持秩序，嗰晚返到屋企一覺瞓到大天光。」
回顧過去3年，他先後於《金宵大廈2》、《黯夜守護者》及《旁觀者》等劇集內「變奸」，坦言難度最高是拍攝《黯》劇，因角色內心世界變化比較大。當被問到會否向公司爭取改戲路時，他說：「呢啲隨緣啦，演員都係要等安排。（滿意自己奸角演出？）其實每次演出睇返轉頭，都真係覺得自己未做到最好。」
與朱智賢互相扶持
談到歌唱事業，謝東閔坦言：「以前以唱情歌、劇集主題曲為主，我都會諗吓，呢個係咪真嘅謝東閔呢？我諗未必，所以嚟緊我會帶真正屬於自己嘅歌畀大家，仲想參與MV拍攝做導演。」談到與女友朱智賢的相處，他則淡然說：「我哋互相扶持，我不嬲都覺得佢做戲幾好。」
東網網站 : https://on.cc/東網Facebook專頁 : https://www.facebook.com/onccnews/
留言 0