婚照暗藏事業線　吳業坤高呼我愛你賀日妻生晨

歌手吳業坤今年5月宣布同年輕5年嘅日本藝人濱口愛子結婚，今日（20日）就係濱口愛子生日，可惜老公吳業坤現時正於內地為無綫劇集《香港人在北京》拍攝，未能留喺老婆身邊共度婚後第一個生日，不過佢都好有心，準時喺社交網發文祝賀！

佢以日文打上愛的告白：「💓生日快樂🎉謝謝你一直照顧我。對不起，我讓妳孤單這麼久了，所以請等我一下。我非常愛你(尷尬)! 你有眼屎呀！生日快樂🎉💓」除咗高呼我愛你之外，佢仲晒出二人未曝光婚照，當中就見到愛子被高炒深長事業線，雖然相中佢正為吳業坤清理「眼屎」，不過同時老公隻手亦搭喺佢腰肢，畫面又搞笑又溫馨。

東網網站 : https://on.cc/東網Facebook專頁 : https://www.facebook.com/onccnews/