無綫藝人呂慧儀平日事業家庭兩頭忙，連日前40歲生日都要喺工作中度過，不過8歲囝囝「蟹籽」黃柏翹相當識做，捱眼瞓等到凌晨12點同媽咪唱生日歌，令呂慧儀冧到爆！至於一班處境劇《愛．回家之開心速遞》嘅同事亦相當有愛，為佢準備咗生日驚喜，原來呂慧儀舊年生日喺「尋寶圖」過，今年生日都係，真係好連戲！佢仲向東網透露「蟹籽」送咗份好窩心嘅生日禮物畀佢，想知係咩就要睇片喇！
歌手周國賢尋晚（4日）喺紅館舉行一連3場演唱會最後一場，入行18年首踏紅館嘅佢去到尾場感觸良多，期間唱到有關家人、女兒嘅歌曲仲多番感觸落淚，當獻唱《天使》嗰陣仲暗示感情狀況有所改變，即睇今集《繽FUN主播室》聽吓佢點講！
東網網站 : https://on.cc/東網Facebook專頁 : https://www.facebook.com/onccnews/
留言 0