蒙嘉慧現身《男兒當入樽》取景地 曬素顏自拍：唔想化妝，包容下

48歲蒙嘉慧自從2013年下嫁鄭伊健後，兩公婆慢慢淡出娛樂圈低調過生活，熱愛日本的他們近年就在日本買屋自住兼豪擲百萬在當地開設房地產公司做老闆。近日蒙嘉慧就趁老公鄭伊健忙住在台灣拍劇，獨自飛去日本工作兼去玩，仲罕有公開素顏自拍相！

身在日本的蒙嘉慧似乎心情好靚，日前先公開一張抱倉鼠嘟嘴的相片，今日又在社文平台分享自己現身經典漫畫《男兒當入樽》的取景地鎌倉的平交道朝聖，更PO出一張素顏自拍相寫住：「好少打卡，但呢度真係忍唔到」。見到蒙嘉慧眼角雖然有少少眼紋，而且出現輕微老態，但仍然優雅及帶有一份自然美。不少網民都大讚她多年來都美貌依然，亦有人留言表示她真人影過張相多多聲，勸她換相機，而蒙嘉慧就回應：「真係唔想化妝啊，包容下啦。」。

流川楓😎

Posted by 蒙嘉慧 Yoyo Mung on Wednesday, June 29, 2022

佢叫大福…好想帶佢返屋企😣

Posted by 蒙嘉慧 Yoyo Mung on Tuesday, June 28, 2022