請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

【家有一老,如有一寶】今屆世界盃的兩大活寶貝

老長輩嘅經驗有如定海神針,就如意大利嘅中堅基亞連尼一樣,喺歐國盃全程帶動球隊士氣,喺決賽技術性拉跌沙卡,係意大利捧盃嘅關鍵人物。

今屆世界盃亦有兩位沙場老將,或能發揮基亞連尼嘅作用,佢哋分別係巴西🇧🇷嘅丹尼爾艾華斯同葡萄牙嘅比比🇵🇹。
兩人同為39歲,依然係所屬球隊嘅主力。

丹尼爾艾華斯上季回歸巴塞隆拿,防守表現依然稱職,進攻方面亦頗有建樹,代表作應該係幫助巴塞喺魯營球場大炒馬體會。今季丹尼爾從巴塞隆拿去到墨西哥聯賽嘅UNAM Pumas, 正選同出場時間比率都有86%, 可惜嘅係,球隊依家排緊聯賽尾三。

比比依然係波圖正選中堅,出場時間比率只有一半左右,原因係佢九至十月曾經歷膝傷,但其餘時間都在陣,助波圖喺12場葡超比賽中只失8球,亦喺歐聯分組賽壓過馬體會、布魯日同利華古遜首名出線。

兩位老將喺今個球季依然活躍,喺國家隊同一位置人才較少之下,話唔定能夠正選上陣。希望大家可以再次喺頂級舞台,目堵佢哋嘅風采啦。而可以肯定嘅係,無論佢哋出場與否,踢過幾屆大賽,見慣大場面嘅經驗,喺團隊中必有作用。

▼ Follow 時代的波經 by LeeKeith

Instagram: https://www.instagram.com/comma_alfredcheung/?hl=zh-tw