MIRROR成員Edan(呂爵安)向來零偶包鍾意做古怪表情，今日凌晨(4日)於IG Stories問fans即將出第1000個post，放甚麼內容比較好？之後很快便上載4段短片，每段都是由靚仔chok樣一秒突變搞笑變臉樣，以另類方法冧fans。他留言表示：「啱啱問你哋想我出咩？好多人叫我出Chok，又有好多人叫我出黑圖，唉，好難捉摸啊。所以我決定‥‥‥一次過滿足晒你哋，Enjoy。 #角度的重要性 #表情的重要性 #比哂上下左右你 #原來咁耐先1000個post #唔知2000嗰陣我幾歲呢。」
瘋狂搞笑顏藝post獲Mirror成員Jeremy(李駿傑)留言：「其實你可以選擇唔係廁所影嘅」，留言獲超過6千個Like支持。欣宜亦留言表示：「Hahahahhaa~ omg your faces make me so happy(我的天，你的樣子讓我覺得很開心！) 」連毛姐毛舜筠都留言派emoji笑臉，亦有fans留言：「可唔可以執返實你個偶包」、「黑圖最啱你」、「我鍾意左啲咩人」，搞笑短片明顯氹得大家超開心。
