英國經典兒童節目《天線得得B》於1997年播出後深受小朋友歡迎,到現時為止仍有不少人會在特別節目打扮成四位天線得得B主角,懷舊一番。節目入面成日都笑笑口、擁有一對靚靚藍 色眼睛的「太陽BB」同樣令觀眾印象深刻,不知不覺原來這位「太陽BB」已經長大成人,變成一個27歲的可人兒。
於1997年至2001年飾演第一代「太陽BB」的Jess Smith已經大學畢業,現於一間保安公司擔任行政人員,更不時在社交平台分享生活靚相。除了一對藍色靚眼睛冇變過外,Jess Smith的笑容依照甜美,更帶有幾分可愛感。
據知Jess Smith當年被選中做「太陽BB」好偶然,當時她剛出世,撞正《天線得得B》製作人在醫院尋找合適人選,最後選上她。不過早前Jess Smith受訪時坦言對演出過「太陽BB」毫無印象,透露:「聽講佢哋擺低我對住塊鏡,我就自己喺度笑,爸爸喺地下玩車仔引我注意,我諗拍咗半日左右,有唔同鏡頭同角度」。
留言 1
結果向咗奇怪嘅方向成長
2022年12月01日08:34
顯示全部