MC張天賦叱咤「我最喜愛」5強止步！同步宣佈明年開3場紅館騷

早前MC張天賦助手Yee Yee發表言論，指被同門人𠝹票，呼籲「賦二代」（MC粉絲名稱）拉人投票，否則「等睇華納全軍覆沒。五鏡入五強嗰陣，對方就真係多謝我哋啦」。

「叱咤樂壇我最喜愛的男歌手、女歌手、組合」今日（11月25日）公佈最後五強，入圍男歌手包括呂爵安、姜濤、陳卓賢、張敬軒、盧瀚霆。MC張天賦雖然5強止步，但同步宣佈於2023年1月20日至22日初登紅館，舉行一連三場《This is MC》演唱會。

MC早前拍攝人生第一張個人演唱會海報，直言靈感來自父親生前最喜歡的一套電影《教父》：「教父成日都會有一隻貓跟住佢，所以今次就引用咗佢呢個concept，請咗隻貓嚟同我一齊影海報，而我形象上都有少少以教父為reference致敬。」

MC 本身沒有養貓，所以初見貓貓雖然不是很害怕，但也擔心控制不到貓咪，另外也擔心不知會否引發敏感：「一直都似係貓敏感，所以想養都唔敢養，不過今次又好彩喎，好順利，影咁耐冇鼻敏感或者其他敏感嘅症狀出現。貓貓主人教我點同佢地相處，所以好快就已經得到想要嗰張相，過程都幾得意同好玩。」

MC坦言，對即將舉行的紅館三場演唱會非常期望和興奮：「唯一擔心嘅地方係第一次自己搞一個咁大型嘅show，狀態、體力等問題，但係都期待嘅興奮嘅緊張嘅。」

目前MC已開始籌備演唱會，「希望繼上一次演唱會跳完舞之後，今次都一樣可以跳到舞，帶多啲驚喜俾大家，同埋希望增加自彈自唱玩樂器嘅環節，其他唔講咁多住，入場睇。」

今次只開3場演唱會，外間很多反對聲音，不少「賦二代」都覺得太少，MC笑道：「我真係唔知呀，所有都係等公司安排，希望大家都可以買到飛啦。公司如果場地安排到，可以加場當然希望可以加場啦。」