【Jay Fung MV終章】馮允謙的吸血鬼愛情系列MV來到最終章，新歌《一步一悔過》首播後掀起網民騷動，千呼萬喚MV終於曝光，Jay與情「人」徐㴓喬（Asha）在樹林浪漫談情，但轉眼抱著滿身鮮血垂死的她，仰天吶喊，故事非常虐心。
《一步一悔過》MV：
Jay從《思念即地獄》MV飾演吸血鬼獵人，冷靜地旁觀岑珈其為愛犧牲，到《因愛之罪名》MV他放生紋身店女吸血鬼，新歌《一步一悔過》被指是系列最終章，亦有說是前傳，Jay不作註解讓歌迷腦補。今次MV故事中，吸血鬼Jay不忍重傷的人類Asha奄奄一息，讓她都變成吸血鬼延續生命，後來兩人相愛，在世外桃源過著幸福快樂日子。大樹下的鞦韆，又躺在水果鮮花的野餐布置的地上馨馨我我，Asha更直接赤腳走動，親近大自然，如神仙愛侶，十分浪漫。但善良的Asha拒絕以鮮血續命，身體逐漸虛弱，眼見愛「人」步近死亡，Jay非常心痛和悔疚。最後，樹林中傳來一聲槍響「嘭」，Jay抱著滿身鮮血的Asha仰天吶喊。
今次Jay包辦新歌《一步一悔過》曲、詞、編，他透露demo歌名《Sorry》，他坦言旋律是幾年前與女友吵架後寫。他說：「當時我嘅事業靜咗落嚟，進入咗低潮期，個人好燥又固執，嗌完交唔肯say sorry。之後對自己好失望，好內疚，於是寫咗呢首《Sorry》。呢首歌我同Oscar一齊填詞，T-Ma（馬敬恆）除咗監製，亦同我和Lincoln Lam（林岳霆 ）一齊編曲。歌詞係講『遺憾』，我哋長成中會錯失咗補救嘅機會，返唔到轉頭，錯過咗就係錯過咗，所以要好好珍惜。」
拍攝當日，Jay自爆已連續開工48小時，為保持清醒和去水腫，提早凌晨3點去跑步。他說：「噚日全天拍廣告，今朝4點集合出發拍MV，我提早3點去跑7公里，去水腫。到依家已經48小時無瞓覺，有少少攰，但好多同事陪我開工，團隊合作好開心！」與Asha首次合作就又攬又抱，他說：「同Asha之前喺event見過一次，第二次見就要好親密咁攬住，佢好Sweet又無包袱，可能我哋都係ABC，好順利好愉快，但如果拍錫戲就會好驚。」爽朗的Asha拍拍他膊頭，笑說：「到依家拍咗8個鐘，我哋Friend咗架啦！其實今次係我第一次（拍MV），雖然演吸血鬼，但一啲都唔恐怖，衫和風景都好靚，感覺好淒美。」
#馮允謙 #一步一悔過 #徐㴓喬
#香港製造 #MadeInHongKong #香港人撐香港音樂
#2021新歌 #新歌 #廣東歌 #2021廣東歌
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l
留言 0