英皇小花湯怡上月為老公麥秋成誕下一女QQ，升呢做父母嘅佢哋，不時於社交網分享湊B日常，與眾同樂。原來尋日（7號）係QQ 20日大，湯怡晒出一張囡囡仍喺肚裏嘅超聲波相片，憶述之前產檢見到囡囡「打招呼」，感動到流眼淚：「以前手機不離手的我，現在一切也不比你重要。謝謝你選了我們做你的父母，謝謝你帶給我們無限的笑容。」
而麥秋成亦晒出餵奶短片，雖然有蝙蝠俠圖案遮住，但係仍見到QQ細細粒嘅body，湯怡扮愛女向鏡頭打招呼，而爸爸麥秋成一邊拍片一邊甜笑，聽把聲都感覺到份幸福！此外，麥秋成仲上載同湯怡影嘅大肚相，透露兩公婆喺屋企除咗餵奶、換片，就係睇無綫全新真人騷《盛．舞者》，乘機宣傳。
東網網站 : https://on.cc/
東網Facebook專頁 : https://www.facebook.com/onccnews/