資深傳媒人潘小濤一向都高調表明政治立場,昨日有消息指他已向工作多年的商業電台辭職,8月7日將會是他最後一次主持叱咤903時事評論節目《在晴朗的一天出發》。之前曾有傳商台因為潘小濤的發言而收過不少投訴信,令網民都猜疑今次是跟政治打壓有關。
今日,潘小濤如常跟兩位好拍檔林海峰及阮子健主持《在晴朗的一天出發》,林海峰一開始更搞笑讀出有關潘小濤離職的報導兼揶揄拍檔:「資深傳媒人潘X濤唔撈嗰個台,話未來一段時間環境係艱難嘅,當然喇,以後朝朝8點,佢屋企人就要對住佢兩粒鐘,喺度行行企企,又唔可以轉台係艱難啲,拭目以待。」潘小濤表示本來打算星期五或者last day才宣佈,沒想到林海峰再來一句:「你點知聽日仲使唔使返工,世事你估預料得到咩,呢單嘢邊個漏出嚟先得㗎!」
潘小濤表示其實自己只是離開二台的節目《在晴朗的一天出發》,星期日及星期一晚上如常會主持商業一台的《串》,對於要離開《在晴朗的一天出發》都表示不捨。不過林海峰就篤爆潘小濤直指他「近日比較開心,感覺如釋重負」,而阮子健亦形容他如老運動員玩完最後一次體操的感覺,潘小濤即時直言「《晴朗》冇咗我,我覺得係一個損失。」