ViuTV節目《大叔的愛》昨晚播出大結局，劇中飾演阿牧的盧瀚霆（Anson Lo）今晚在IG寫了千字文，分享拍劇的感受，並感謝角色「阿牧」教他很多東西，更揚言：「每個人都需要一個阿牧」。
Anson Lo今晚在IG發出千字文，提到關於《大叔的愛》的拍攝點滴及感受。他提到當初知道接拍這部劇時，由於原劇日版實在太深刻，他感到一定壓力，擔心演繹不到日版的精神，甚至糟蹋了日版，令大家失望。「但心底知道哩個係一個好好嘅機會去試練，去測試一下自己繼《男排女將》Bobby一角之後可以做到幾多，所以最後同花姐講『我想拍』。」
他提到當初拍攝時，感到相當辛苦。「坦白講，對我嚟講嗰兩個幾月嘅拍攝喺精神上係幾疲累幾demanding嘅感覺。好記得第一次由頭到尾睇晒成份劇本之後，第一個感覺係：阿牧最開心時嘅energy level都唔及Carmen姐嘅一半，成套劇佔咗三分二嘅場口都係比較負面嘅情緒，劇本上好多時岀現嘅一句演員指引就係『阿牧不是味兒反應』。」他直言拍攝頭幾日，還未摸索到這個指引是甚麼，隨著拍攝日子愈來愈長，才明白每一場都有少少分別。
更甚是，他感到這兩三個月Anson Lo在世界中彷彿消失了。「好多時拍攝完返到屋企係好攰，但會有個意識叫自己執下嘢、做下家務。有時搭車返劇組開工嘅車程途中，聽住『阿牧歌單』，望住車窗岀面嘅天空都係灰灰暗暗。可能係絕大部份嘅場口情緒，令自己好似被好多重寂寞嘅氣圍包圍住。」
Anson Lo直言，最近很多親戚朋友問他拍攝時思考甚麼，他表示很多場口都是跳拍，因此很多時候只能靠幻想。「分手嗰一場拍攝之前，我同呂爵安喺間熄晒燈嘅房入面醞釀情緒。當時我不斷幻想嘅係，阿牧同阿田未發生過嘅拍拖日常畫面、阿田同梓芊一齊咗嘅畫面、阿牧提出分手之後入房執行李離開嘅畫面。或者未必係一個好正確嘅方法，但係我當時唯一依賴嘅做法。」
他藉此機會，感謝觀眾支持《大叔的愛》，支持阿牧，亦識做地感謝ViuTV令港版《大叔的愛》誕生，感謝監製Tommy及導演CK的信任。「兩位由頭到尾都好相信好鼓勵我。好記得拍攝中段我成日問兩位我有啲咩要調整，佢地異口同聲答我：『如果你做得唔好我地一定會同你講，但首先你要俾多啲信心自己，唔好下下覺得自己一定會做得唔好。』你地嘅鼓勵係俾咗好大嘅勇氣我。感激製作組、拍攝組同埋台前幕後所有工作人員成就哩一套劇，冇你地每一位嘅汗水都唔會有依家大家睇到嘅每一個場景、畫面。辛苦晒大家。」
最後，他多謝角色「阿牧」：「好早前我講過『每個人都需要一個阿牧』，因為佢令我明白日常生活上待人處事可以再多啲企喺人哋角度諗、多啲照顧身邊嘅人、佢對愛情嘅執著，同埋提醒我係時候要認真學下煮嘢食。感激大家對我嘅包容，演戲上有太多地方要學習同努力。希望大家感受到港版大叔的愛嘅認真同埋背後意義，感受到每一個角色嘅投入。」