賀破五十萬粉絲 32歲連詩雅三點式騷腿晒肌

39歲陳自瑤為慶祝自己生日影咗輯火辣露奶相，因拍劇而成為閨密的連詩雅亦為賀社交網突破五十萬followers，狂喜貼水著相派福利，晒結實腹肌同索長腿，相當吸睛，網民提議兩姊妹影輯水著幫大家解暑喎！

文：東方新地圖：IG

除了賀劇集收視報捷，啲女藝人水著贈慶，依家原來流行連社交網粉絲衝破某數字，都大派福利，水著濕身賀一賀佢，呢次就有開緊新劇《金宵大廈2》嘅32歲連詩雅，IG粉絲衝破五十萬大軍，連詩雅立即貼出三點式騷吓努力多時的結實腹肌同索爆長腿，又寫道：「感謝你們陪著我成長，謝謝500k的你們，祝大家身體健康keep住正面的心態」，成功吸like，因拍劇集《那些我愛過的人》在戲內戲外都成為好姊妹的陳自瑤，第一時間畀like又激讚連詩雅索爆鏡，不過福利又點會嫌多先？網民紛紛留言話期待六十萬會點慶祝，「六十萬會再著少啲？」、「期待下一個500k真空現身」，更有網民提議最近影咗輯真空漏奶相的陳自瑤，可以孖住連詩雅一齊影輯姊妹水著大放送，雖然呢個提議係貪心咗，不過相信係好多人嘅夢想嚟嘅﹗