話咁快又到選國際中華小姐嘅時間，早前今屆華姐就首次同大家公開見面，雖然暫時唔知大家心水係邊位，但就可以肯定以下歷年12位國際中華小姐冠軍就一定係你哋至鐘意嘅其中一位！
撰文：東方新地｜圖片：新傅媒
盤點12位至靚國際中華小姐冠軍
1988年李嘉欣
大美人李嘉欣係1988年香港小姐冠軍，也是首屆華姐冠軍，多年來均被譽為「最美港姐」嘅嘉欣，絕對係實至名歸。之後大美人即加入娛樂圈，憑着索爆面孔迅速走紅，而且多年緋聞不絕，每單戀情都轟動娛圈！
到2006年，李嘉欣終於搵到好歸宿，同許晉亨高調公開承認戀情，08年11月，二人在許晉亨父親別墅中舉行婚宴，正式嫁入豪門。而2011年2月，李嘉欣誕下兒子許建彤(Jayden Max)，一家三口經常放閃，羨煞旁人！
2. 1993年 鍾麗緹
鍾麗緹於93年擊敗盧淑儀同謝綺玲奪冠，94年即被周星馳睇中邀請拍電影《破壞之王》，盛傳當年星爺力追女方，不過，鍾麗緹於1998年嫁給外籍丈夫Glen Ross，育有一女Yasmeen Ross，但於2002年離婚。
03年，鍾麗緹與台灣音樂製作人嚴錚結婚，並於2008年誕下第二個女兒嚴書琴(Jaden)，再於2010年2月，第三個女兒嚴紫凝(Cayla)於北京出生，可惜2011年二人最終離婚。
經歷兩次婚姻失敗後，鍾麗緹未有氣餒反而愈愛愈勇，拍攝內地真人騷《如果愛》同細佢12年的大陸演員張倫碩發展姐弟戀，後來張倫碩更在節目中派驚喜下跪求婚，二人婚後好恩愛！
3. 1999年 葉璇
氣質美女葉璇於1999年參選國際中華小姐，取得冠軍及「最具古典美態獎」，葉璇喺無綫拍過不少劇集，不過近年到內地發展。
葉璇2015年同內地男友小默先生公開戀情，男友連番厚禮，上年葉璇更高調晒愛，更認為：「愈愛你的人，愈會主動為你花錢..」，相反「如果他對你一毛不拔，或者要等你央求才肯給錢，這種關係的本質就是施捨而已，不存在愛。」
4. 2000年 郭羡妮
1999年郭羨妮以大熱姿態贏港姐冠軍、「最上鏡小姐」、「國際親善小姐」和「千禧才智小姐」四獎。2000年，代表香港參選國際華裔小姐競選，亦順利取得冠軍，是繼1988年度香港代表李嘉欣贏得國際中華小姐競選冠軍後，第二位香港代表奪冠！
郭羡妮加入TVB拍劇，01年在同古天樂合演的古裝劇《尋秦記》，而郭羡妮一個人分演兩個角色，一個是現代少女，另一個是秦國才女，並且是因此劇而走紅。之後拍了大量的古裝片，2011年她與內地動作導演朱少杰結婚，翌年更誕下一女Kylie。2015年郭羡妮離開TVB後減少幕前演出專心湊女，淨係間唔中返大陸出席商演活動，又或者拍下港台劇集過吓戲癮。
5. 2001年 廖碧兒
廖碧兒是2001年華姐三料冠軍，同奪都會魅力小姐及花都綽約大獎。
最近，廖碧兒就重返香港幫ViuTV拍劇，唔知佢又會唔會諗住返TVB拍劇呢？
6. 2004年 鍾嘉欣
鍾嘉欣2004年擊敗曹敏莉同洪巧玲贏得華姐冠軍，而嘉欣BB形象親民討好，即被TVB簽下至今更成為花旦！嘉欣BB在無綫多年，多次獲傳媒及網民支持取得「民選視后」，其中2013年於《玩嘢王》爆喊場面，博得全港觀眾歡心，演技備受肯定！
同老公生咗兩個嘅嘉欣有B萬事足，現在過得十分幸福呢！
7. 2005年 李亞男
李亞男於2005年代表溫哥華出戰，成功擊敗當年大熱門陳法拉，拿下國際中華小姐冠軍，即留港發展，雖然事業發展平平，感情生活亦非多姿多采，但卻成功找到一個絕世好老公，王祖藍！
李亞男現在與老公黃祖藍十分甜蜜幸福，今年更為老公生咗個B女！
8. 2007年 宋熙年
同樣過得幸福的宋熙年，於2007年爆冷擊敗呂怡萱同陳爽成為冠軍！之後加入TVB多以主持身份現身，星路跟李亞男一樣平坦，但就搵到電視城另一絕世筍盤陳智燊！
婚後兩年，宋熙年於上年8月誕下寶貝仔Damon，兩公婆不時喺社交網貼出湊仔日常大晒溫馨。
A post shared by Sarah Song 宋熙年 (@rahrahsong) on Dec 4, 2018 at 5:31am PST
9. 2009年 苟芸慧
苟芸慧係09年的國際中華小姐冠軍。初出道時樣子甜美，盡得網民歡心！點知後來因水腫問題，至體重激增至180磅，幸而經休養後已冇肥腫問題，回復索爆身形及靚樣！
上年10月，苟姑娘就同錫礦大王後人結婚，希望苟姑娘快啲有BB聽到佢哋有好消息啦！
10. 2010年 岑麗香
已成為人妻的宅男女神香香公主，為2010年華姐冠軍。
香香唔止樣靚身材正，更擁有時裝設計學士、市場管理學士以及人力資源學士的文憑，哥利唔惹少！直至16年岑麗香嫁給強強，成為幸福人妻！依定懷孕7個月嘅香香，早前更大晒靚爆孕照！
11. 2012年 張曦雯
被人稱為靚到離地的張曦雯，是2012年國際中華小姐冠軍。
上年，張曦雯因拍劇集《跳躍生命線》更爆紅！
12. 2014年
陳凱琳2013年成港姐冠軍後，翌年順利以大熱姿態奪華姐后冠！
上年，Grace同鄭嘉穎拉埋天窗，仲講到明想生孖胎，而早幾日就已經為老公添丁，仲公開咗B仔個樣！
2019年國際中華小姐首次亮相
今屆19位國際中華小姐候選佳麗首次現身同大家見面！
期間，上屆國際中華小姐冠軍余思霆更即場抽出其中一位佳麗試戴后冠，而今次的幸運兒就是16號佳麗朱彥雙。事後，朱彥雙就表示希望有機會再戴后冠，睇嚟對於奪冠幾有寄望！
相信大家都想快啲睇睇今屆國際中華小姐的質素如何，依家就同大家即刻睇睇啦！
｜1 鄭子怡（曼谷）
｜2 蔡麗欣（布里斯班）
｜3 段薏丹（芝加哥）
｜4 王慧緩（夏威夷）
｜5 陳曉華（香港）
｜6 彭嘉伊（吉隆坡）
｜7 妮素達（老撾）
｜8 賀灕灑（倫敦）
｜9 梁瀅（洛杉磯）
｜10 黃夢晴（梅州）
｜11 謝曉穎（墨爾本）
｜12 胡楠青（蒙特利爾）
｜13 吳雅璇（紐約）
｜14 黃翠金（三藩市）
｜15 潘明璇（新加坡）
｜16 朱彥雙（悉尼）
｜17 楊美麗（大溪地）
｜18 楊昳讓（多倫多）
｜19 林昀佳（溫哥華）
留言 0