無綫主播黎在山教行山　9頭身美女真身曝光

無綫新聞台女主播一向都好受觀眾注目，差唔多日日都出鏡咁滯，曝光率隨時勁過明星！近年主播除咗報道新聞外，都踩過界主持埋節目，好似方東昇《世界零距離》系列，獲得一致好評，而今次就輪到TVB新聞女主播黎在山。

黎在山加入咗TVB新聞台超過2年，佢未轉行前係一名模特兒，傳聞身高達180cm，有一雙無敵長腿，但除咗平時喺電視見到佢半身報道新聞外，甚少全身照流出，有傳佢喺9頭身美女，而佢都冇公開自己個人社交網，唔少人都覺得佢好神秘。

不過最近佢主持專題節目《行行有好景》，大家終於見到佢離開直播室嘅另一面，而於節目中佢帶大家行山，可以從節目中發現，黎在山真係很高，而擔任行山主持的佢，盡顯活潑一面，同平時正經報新聞有好大分別，不過咬字仍然字正腔圓，值得欣賞！

東網網站 : https://on.cc/

東網Facebook專頁 : https://www.facebook.com/onccnews/