TVB藝人青黃不接，演得又睇得嘅當家花旦買少見少，入行多年嘅高海寧就睇準時機，最近密密接job密密拍劇，希望儲到錢結婚又賺到人氣。幾套劇排住出，同音樂才子鄧智偉感情又穩定，事業、愛情兩得意，睇嚟好快會有好消息！
撰文、圖片：東方新地
高海寧與鄧智偉「秘戀」5年 默默守護唔公開
拍拖五年，明明係公開秘密，不過高海寧一直唔肯公開認愛，仲大條道理話要保護戀情：「雖然我哋很穩定，但還是等我哋去到能接受大家祝福的時 候，才向大家慢慢分享。」其實高Ling做法絕對有道理，同音樂才子鄧智偉一段戀情多得佢低調處理，愈嚟愈穩定甜蜜，亦都令高Ling可以專心事業。
盛裝打扮去活動高Ling身材愈見標青
日前高Ling去上環出席活動，盛裝打扮下，32歲嘅高Ling愈嚟愈有女人 味、身材愈嚟愈標青凹凸有緻，見佢收工後即歸心似箭撲返愛巢，睇嚟佢好快被鄧才子私有化喇！
留言 0