TVB第20期藝員訓練班畢業的陳積榮(Jeff)，近年拍了三套自稱「零成本」電影，也有在網上出片，不過剛剛最新一段片就公開自己患上第四期肺癌。除了會繼續醫療外，亦提到會繼續其拍攝計劃，內容會係讀訓練班時的點滴，樂瞳都有留言叫加油。
陳積榮在影片中留言：「對唔住！我嘅朋友，有一個壞消息，我患上四期肺癌。知道好多朋友都好關心我，所以藉此video，希望公開咁同大家update我嘅近況。」他說到病發開始以為是拉傷肌肉：「六月尾嘅時候，我發覺背脊肌肉痛，起初以為係做gym拉親，之後立即去朋友度做物理治療，一星期後都未見好轉。」到最後證實患癌：「報告結果顯示我左邊下肺出現咗個6x5cm。證實屬於第四期肺癌，因為已經有擴散嘅跡像。」
除了尋求意見外，亦希望有心人可以作出經濟援助：「一路睇私家醫生，除咗一路駛錢之外，同時亦接收到唔同嘅醫治方向，老實講……起初極度迷惘，淨係標靶藥一代二代三代：一代，兩萬蚊/一個月；三代，五六萬蚊/一個月，仲未計其他醫療費用，我淨係聽到呢個數字已經沮喪，以我嘅積蓄冇可能承受得到，之前買嘅危疾，醫院加埋做嘅測試，已經冇咗70%，之前買咗十年嘅醫療plan，剛剛上年又完咗，好無助……」
