荷里活女星安妮希芙威（Anne Hathaway）出名形象多變，最近她亮相時尚雜誌《V》封面亦以全新形象示人，她破天荒以短髮中性打扮亮相，新形象即獲粉絲讚賞！
暫時未知安妮是將招牌長髮剪短還是戴假髮，新形象曝光後獲粉絲一致讚賞，有粉絲大讚短髮與她合襯之外，更有粉絲認為她有模特兒的面孔。
另方面，安妮於雜誌訪問中爆辛酸史，她自爆試過被叫面試時與10位男演員輪流親熱來測試「化學作用」。她說：「返翻去2000年代，發生喺我身上，演員被叫與其他演員親熱嚟測試化學作用，呢種情況當時好正常。但其實呢個係一個最差嘅方式。我試過一次有人同我講：『我哋今日有10個男仔過嚟，而你又有份演出。你唔係好興奮同佢哋所有人親熱咩？』而我當時就諗：『我係咪有咩問題？因為我一啲都唔興奮。我仲認為聽落好嘔心。』但我當時好後生，好怕會因為被指『難相處』而失去一切，所以我只好扮到好興奮照做。」
東網網站 : https://on.cc/東網Facebook專頁 : https://www.facebook.com/onccnews/
