林襄遭疑大牌唔讓座　經紀人澄清嗌提告

台灣啦啦隊女神林襄，出道至今人氣高踞不下，可惜隨着人紅自然是非多，日前台灣女星黃小柔、Vicky喺節目《小姐不熙娣》分享，指詔去搭高鐵出外景節目時，一名晚輩疑似想同朋友一齊坐，霸佔咗Vicky嘅座位，並邊玩手機邊敷衍道：「那邊還有空位。」其好友嘅態度同樣令人一肚氣，令2位前輩忍唔住當面呻道：「現在的小承怎麼這麼沒禮貌呀？」未料2人依然無動於衷，至於當事人身份，2人亦謹透露係1位20歲出頭嘅當紅女星，並直呼：「她們現在是可以這麼的跩啦。」

隨着輿論愈熱愈烈，引嚟唔少網友都估當事人係林襄，對此林襄所屬嘅經紀公司亦正式回應，表示林襄未曾被同出外景之藝人朋友徵詢讓座問題，但企圖帶風向、不實影射嘅言行，對藝人之形象及工作均造成負面影響，請勿再以訛傳訛，未來任何對於林襄之不實影射及妨害名譽等言論，亦將透過法律途徑，捍衞藝人權益。

東網網站 : https://on.cc/東網Facebook專頁 : https://www.facebook.com/onccnews/