李綺雯醫院過難忘生日　醫生問受傷過程：佢哋都O咗嘴

李綺雯剛在昨日18日過了41歲生日，不過她在IG出圖就指要在醫院過生日。原來她因為拍節目受傷而入院，所以所有慶生活動都要取消，慶幸有健身教練未婚夫Ocean陪伴。

李綺雯分享在院醫過生日的相片留言：「好多人都問我最難忘嘅生日係邊年，我諗應該係今次。18號生日17號入院，姑娘同登記問我幾多歲嘅時候，我都唯有答而家40，過一陣41。」至於受傷原因：「點解受傷暫時就唔講得住，節目出街再講啦。只可以話每次同醫生護士，講返點整親嘅時候佢哋都O咗嘴。大家都唔使太擔心，我會用意志令自己快啲好返。」未婚夫亦有陪伴：「感謝 @oceankit 呢兩日陪住我頻頻撲撲，辛苦你了，睇返最後一張相你都比我更需要休息下。多謝大家嘅生日祝福同埋慰問。仲有浸會啲姑娘，醫護助理同埋醫生勁好人。謝謝你哋。」