意甲｜羅馬主場2:1反勝萊切盧卡古曾射失12碼但補時入波

羅馬主場對萊切嘅意甲比賽，羅馬開波5分鐘就有比利時🇧🇪前鋒盧卡古射失12碼，仲去到比賽71分鐘落後一球。不過，羅馬係補時階段憑住伊朗🇮🇷前鋒艾斯蒙同比利時🇧🇪前鋒盧卡古入波，成功以2:1比數絕殺對手，升上意甲第七位🙂

羅馬教練摩連奴賽後就話「今次係盧卡古第一次係意大利射失12碼，不過係我執教之下應該係第二次或者第三次，對上一次好似就係代表車路士參加歐洲超級盃，但只有射12碼嘅球員先至有機會射失😎。」

呢位葡萄牙🇵🇹教練又話「我哋對於盧卡古充滿信心，我比起任何人更加了解佢。對我嚟講，有機會為球隊射入奠定勝局一球就係最好😊。」