澳洲係好多香港人Woking Holiday嘅首選，澳洲政府為紓緩農業勞工短缺嘅情況，宣布只要喺Working Holiday期間花半年或以上時間參與務農工作，就可以將簽證延長至最多3年。
為抑制逐年增長嘅移民人數，澳洲政府自去年開始縮減臨時工作簽證嘅時間，但係喺收成季節，人手卻嚴重不足，造成務農人士嘅工作負擔過重。
依家澳洲嘅Working Holiday簽證為期一年，如果申請者願意喺較偏遠嘅北領地工作，可以喺澳洲逗留第二年。
今次澳洲政府放寬簽證政策實施後，預計喺出年7月起，如果有關申請人喺人手特別短缺嘅農業地區做半年嘢，就可以喺澳洲逗留第三年。
留言 0