最近有影音專賣店的社交平台，放售張敬軒舊CD《春•夏•秋•冬》簽名版，有指該碟的主人疑是商台前DJ蘇耀宗（細So）。有網民留意到CD封面有疑似軒仔筆迹及其親筆簽名：「Dear細So，好多謝你一直以來都支持我嘅音樂！希望你會鍾意呢隻碟！」
細So昨天（12日）在社交平台承認是CD的原主人，他解釋：「多謝各位關心！當日冇得返舊公司搬走我啲CD，後來有同事幫我攞返部份碟。其餘仲有好多一路都放喺直播室，諗住留喺度俾（畀）大家用，點知就唔知俾（畀）邊個攞咗去賣。如果你要賣，都抹走個名同msg（message）先呀，有我個名唔會值錢啲㗎。 @hinscheung（張敬軒）今時今日我都仲係一直咁支持你同你嘅音樂﹗」
軒仔也在細So的發文搞笑回應，並自認是「CD大盜」，軒仔寫道：「其實我以前喺兩間電台出沒，獵獵（擸擸）埋埋都好多其他artist簽畀各位DJ嘅碟，我係出咗名嘅CD大盜，查實呢單嘢係唔係我經手嘅，都唔敢肯定，不過應該機會不大，因為我唔係好接受到自己個髮型，我會繼續簽碟畀你，不過都要等我有碟先。好快有好快有，LOVE YOU。」
（即時娛樂）
留言 0