下星期一晚（4月25日）播出的ViuTV《晚吹 - 有酒今晚吹》，邀請到姜文杰（Benji）擔任嘉賓，與主持品嘗Syrah和Shiraz 葡萄酒。Benji指與妹妹姜麗文（Lesley）組成組合「Benji and Lesley」後，曾有一段時間對妹妹感到愧疚及自責：「佢本身已經係日本NHK主持，我拉佢返嚟搞獨立音樂，但又唔算真係有好大成就，所以嗰段時間不停怪責自己同好抑鬱。」
提及身為演員的Lesley最近成功拿下獎項，Benji指自己當時哭得像「豬頭炳」，終於感到帶妹妹回港發展的決定沒有錯。
對於「秦沛之子」星二代的身份，Benji笑言：「如果我夠紅嘅話，其實呢啲嘢係唔會發生。呢個係我地星二代比其他藝人都更需要認命嘅一樣嘢。」
Benji指初入行時曾一度為「秦沛之子」的身份而不開心，但現在卻有不同看法：「既然依家啲人都仲講緊我係秦沛個仔嘅話，即係佢到依家都仲好出名。呢樣係好開心嘅事嚟，所以我都好自豪話俾人聽佢係我爸爸。」
