谷德昭主持的ViuTV節目《爆谷一周》早前播放新一季，過去幾集已訪問了發哥周潤發及視像訪問日本導演是枝裕和，日前他在社交網透露飛去紐約拍攝，並優先看基斯杜化路蘭執導的《奧本海默》。今日谷德昭透露此行的主要目的，就是訪問導演及一眾演員，包括主演的斯里安梅菲、麥迪文及羅拔唐尼。
原子彈之父奧本海默情史超豐富 渣男教授外遇女學生再偷食朋友妻
谷德昭連日來分享在紐約看首映的感受，他今晚正式公開自己紐約之旅的重要任務，寫道：「新一季《爆谷一周》推出時，有網友留言問有冇機會同發哥、是枝裕和導演、Nolan導演做訪問？聽晒你哋話，《爆谷》團隊努力下，竟然一一實現，就算賣花都要讚吓花香，真係幾勁抽！」
訪問一眾荷里活大導演及影星，谷德昭坦言為了訪問做了不少功課。「畢竟要用英文，以我呢種唐人街鬼仔嘅英文功力，都唔可以講得話唔淆底。結果做訪問嗰陣，當傳說中嘅Nolan導演坐正喺面前，我緊張到幾乎就成副潤嘔咗出嚟。」
從谷德昭分享的相片可見，受訪除了基斯杜化路蘭（Christopher Nolan）導演外，還有主角斯里安梅菲（Cillian Murphy）、艾美莉賓特（Emily Blunt）、麥迪文（Matt Damon）及為人熟悉的「Iron Man」羅拔唐尼（Robert Downey Jr.）。
谷德昭大讚巨星們都非常友善，「好彩個個都鬼咁好人，Robert Downey Jr. 同Matt Damon仲特登同我講笑，舒緩我嘅壓力。」他還呼籲大家收看下星期六（22日）的《爆谷一周》。
