請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

姜紫藍成功轉型做作家考慮再出寫真 條件係...

出書講抗病經過,內地台灣大受歡迎!
出書講抗病經過,內地台灣大受歡迎!
10年前成功轉型做作家。
10年前成功轉型做作家。
曾與Angelababy及周秀娜同期出寫真。
曾與Angelababy及周秀娜同期出寫真。
有望再出寫真。
有望再出寫真。

第一代𡃁模姜紫藍(Color)近年轉型當作家,2012年曾推出勵志書講述關於自己患白血病的死而復生的經歷,當年更一度賣斷巿,適逢今年是該書出版十周年,今年推出限量復刻版。她坦言自己當年也想不到書本大受內地及台灣歡迎:「因為當年有個內地網紅,佢攞住我本書影咗張相,佢話本書畀佢好大鼓勵。至於台灣方面得到買手欣賞,我好感恩,可能因為我用光頭樣做封面相吸引到佢哋。當年公司係唔想用光頭樣做封面,光頭樣封面係我自資再印,所以係雙封面,但另一個封面反而冇人買,所以如果當年我唔堅持,書本都入唔到台灣嗰邊書店。」

Color當年與Angelababy及周秀娜等同期推出寫真,她稱其實當時自己計劃出文字書,而非寫真:「但公司話如果我出書真係冇吸引力,不如你出寫真啦,我話我要加文字落寫真入面,最後變成五成相五成文字。」時至今日Color身形依然弗到漏,問她會否再出寫真?她表示:「好多人都問過我,如果我去到50歲,仲可以Keep到同依家差唔多,我會 倣效我個偶像羅霖,我唔怕畀人話我半百歲再出寫真,當然唔係靠執相。」

東網網站 : https://on.cc/東網Facebook專頁 : https://www.facebook.com/onccnews/

查看原始文章