港產日系女團「乙女新夢」傳5月底解散　「唔想大家錯過最後道別機會」

港產日系女子偶像組合「乙女新夢」由四位成員Rinka、Ai、Maho及Rika組成，近年憑《人間覺醒》、《戀愛禁止》、《不破不立》等單曲，由地下偶像走到主流舞台，不過近日有網民流出組合在粉絲群組公告最後全員live演出，引發解散傳，令粉絲相當不捨。

乙女新夢由2017年開始活動，在韓流盛行下堅持日系風格，去年終憑《戀愛禁止》登上Chill Club 推介榜冠軍，更如願登上「Tokyo Idol Festival 2024」舞台，單曲《人間覺醒》早前亦成為ViuTV話題劇集《弊傢伙！我要去祓魔》主題曲，人氣不斷上升，熱血追夢之路鼓勵不少粉絲。

可惜近日驚傳乙女新夢在粉絲群組公告，5月19日在餐廳ENSO的演出，將會是組合最後一次全員現場演出，並預告之後會再發布正式公告，同時多謝粉絲一直以來對乙女新夢的支持和愛，亦希望粉絲繼續支持各位成員未來的發展。粉絲雖然難過，婉惜乙女新夢近年在主流舞台做出成績，卻難逃解散命運，在社交平台引發熱議。成員Rinka親自留言，雖未明言確認解散傳聞，但似乎暗示組合命運：「見丁有人咁樣去肯定我哋好感動嘅，多謝你，我哋一定會喺某刻再見的。」

另有網民暗示乙女新夢靠炒作賣飛，成員Maho亦現身回應：「Enso場show得50個位左右，我諗我地唔需要為咗賣爆飛而講解散，fyi我solo fan meet已超過呢個數。そもそも係講之前都已經賣爆咁濟。純粹係唔想大家錯過最後道別機會先選擇係呢個timing講。謝謝關心。」不過Maho之後又再留言澄清：「Hello唔好意思呀，其實我哋官方未作出任何公告住，純粹私下通知粉絲19號係最後一次全員演出，並未提過任何『最終公演後正式解散』嘅字眼。『恩索感劇場』係？？依家啲記者唔洗問清楚fact check完就幫人出公告解散的嗎？」似乎解散傳聞仍有彎轉。