吳浩康（Deep）去年為了賺錢養家，不惜放下歌手身段去做地盤工人，更獲網民力讚「職安真漢子」，帶挈人氣急升。不過年屆40歲的吳浩康依然未有放棄音樂夢，日前他就前往了澳洲悉尼街頭Busking，雖然有不少粉絲大讚他唱功，但也有人批評為何他曾公開表示有經濟壓力，但卻會有錢去旅行，質疑他的財困消息。
早前吳浩康就遠赴澳洲街頭表演，更獲網民野生捕獲，當日他身穿印有「真漢子」字樣的T恤，手持結他自彈自唱，吸引不少途人圍觀。而他亦有在社交網晒自拍，呼籲大家前來聽廣東歌，一解思鄉之情。
日前吳浩康出席港鐵45周年嘉年華，並獻唱多首歌曲炒熱全場氣氛。他在演出後接受訪問，提到有網民質疑他為何有錢旅行，他就坦言這次的機票是朋友贈送：「有啲人話我『唔係沒錢的咩？點解咁有錢飛去澳洲做Busking？』，其實是誤會啦，機票係人地買比我嘅，我都坦白講，我其實經濟狀況同工作狀況都已經改善咗很多，多謝大家關心！艱難時期同大家分享，依家好啲都會同大家講。」又表示這趟澳洲旅程主要是參加佈道會和進行傳教活動。
吳浩康自爆經濟狀況有改善 計劃自資出歌
坦言經濟和工作狀況已有顯著改善的吳浩康，又表示現時會減少開地盤工，反正會身兼多職變成全職斜槓族：「除咗自己演藝工作外，又會幫朋友做到會工作，地盤工作少咗20%。同埋我想去港鐵考番個落路軌工作證，可能夜晚11點湊完仔，就落路軌開工，做到第二朝。」非常搏命。
他又計劃明年新年後將會自資出歌，指會推出3首歌，但預計出歌也要花上30、40萬元。不過他就表示現時純粹是想分享音樂，但不會參與頒獎典禮，又笑指這個遊戲不適合他這個年紀的人玩。
欲為張致恆介紹工作？
另外提到「兄弟」張致恒近日在網上呻開工不足，並再度於網上求助，被問到會否介紹他開工，他就表示：「如果客人有興趣，我都會介紹比佢。（你對佢有信心？）客人有興趣咪介紹之嘛，又唔係我請佢！」但就指自己不會借錢給他：「呢個唔係長遠方法，亦唔助長。」
留言 24
Florence Lam
靠勞力搵食養家嘅男人特別Man, 撐你, 加油💪
10月01日06:39
Bullet Target
啲人就係咁乞人憎，而家人哋唔可以有啲錢，用喺自己想用嘅地方咩？人哋每一個月嘅經濟開支，係咪要俾你評審啊？
批評人嗰啲人，有冇諗過自己講緊啲乜嘢？每一句講嘅說話，都好似唔俾人哋有重新嘅機會咁，如果呢個係你嘅親戚朋友甚至屋企人，你仲會唔會咁樣講嘢？
09月30日17:35
Nic
人地賺到錢點洗關啲酸民咩事啫
09月30日14:09
Mamalade
張致恆真係唔死都無L用
09月30日10:58
sai
又唔係偷唔係搶，有錢旅行又關D垃圾網民咩事呢？唔通要窮PK重要比你話窮L你先安樂？做地盤就唔可以旅行？呢D咩邏輯？唔該D憎人富貴厭人貧嘅網民好好反省下啦！自己窮就以為全世界都應該跟你一樣廢。
09月30日09:48
顯示全部