上年夏天由車路士轉會重返RB萊比錫的德國🇩🇪前鋒添姆雲拿最近接受太陽報講到自己效力車路士情況
雲拿就話「我係車路士頭六個月過得真係好好，我實現到球迷同球會對我嘅期望期望，因為我有入波同埋踢咗精彩比賽。我係加盟第一個球季幾乎踢足每場比賽，我哋係2021年贏到歐聯冠軍，我仲係歐聯4強對住皇馬有入波，我係個季亦都製造好多入波☺️。」
雲拿之後仲話「不過，教練杜曹之後好似唔記得晒所有野，真係好唔公平。盧卡古係偉大前鋒，而我之後要面對一位1.2億歐元嘅前锋，球會洗咗好多錢，所以盧卡古一定要上陣🥲。」
雲拿最後就話「呢樣亦都係我點解要返去萊比錫踢波同重新享受比賽嘅原因。我知道教練鍾意某啲球員多過其他球員，呢樣亦都係好正常，作為球員一定要接受呢一點，所以我最後都係選擇離開車路士。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/
留言 0