出爐視后蔡思貝自入行以來，先後跟多位男拍檔傳緋聞，當中就連人夫都有，因而被掛上「無綫姣精」的稱號，早前就有傳蔡思貝搭上胡鴻鈞，二人更秘戀一段時間，點知去到今日又有消息指蔡思貝撻著周焯華（洗米華）拍檔兼太陽金業集團老闆Sam，介入Sam跟「嫩版朱茵」o靚模羅彩玲（Vivian）的關係，感情生活認真混亂。
消息指蔡思貝去年因為幫Sam的公司拍金飾廣告而撻着，之後男方發動追求攻勢，送名牌之餘，仲找司機接送蔡思貝，同時蔡思貝近日亦不時在IG曬名牌袋及靚衫，突然變富貴。不過有指Sam的感情生活同樣混亂，有傳Sam原來是有婦之夫，更被爆包養o靚模Vivian而搞到同老婆離婚，但二人仍依愛得高調，Vivian不時會去陪Sam去打波，又會孖住看車展，上年Vivian更透露自己跟「圈外男友」拍拖半年，於9月初在船P上男友當眾向她求婚，男主角疑似就是Sam。點知今日就傳出蔡思貝疑似做人「三奶」，介入Sam跟Vivian的感情。
事後，Vivian在回應傳媒時就堅稱自己跟Sam冇分手，又表示不知道未婚夫追求蔡思貝，但就否認自己沒有令Sam離婚。至於Sam被爆搭上蔡思貝後，就將IG變成私人賬號，連公司太陽金業的IG都改為不公開。
