為咗嗰毫秒你會去到幾盡?

近日FIA同IOC宣佈正式舉辦”Olympic Virtual Series”，並喺Playstation遊戲GT Sport上接受眾車手參加。基本上你只要有PSN登記就可以參加，想入圍嘅方法好簡單，就係以你自己代表嘅國家或城市去造最快圈速，每個地區首名就可以晉級，而亞洲區就有四個席位。截至現時為止，saika159-選手 Jonathan Wong就以1:55.429排全球第44位，至於另一位SSMDG車手B0SSSSCHAU都造出1:55.466排全球第51位。saika159-亦暫時保住亞洲區第二嘅位置。

大家唔好覺得排第四十幾位好似好後，其實現時全球最快嗰位意大利車手V. Gallo (Williams_BRacer)都只係做緊1:55.046，而第100位嘅澳洲車手PX7-Twitchy都只係1:55.690，表示100位車手之間只有0.6秒嘅差距。基本上每位頂級車手每日做嘅只係彎位上嘅微調，如果外行人可能無辦法分辨到車手之間所做嘅線位有咩唔同。如果大家有興趣嘅，比賽仲有2日先結束，可以即刻上GT Sport試一試自己嘅能力。 小編尋晚都小試牛刀，暫時以1:59.480排都6359位……我都係做啦啦隊算啦。