喱騷app今上架！杜汶澤稱遭ViuTV封殺：唔知以為講緊TVB

杜汶澤將其網上節目喱騷轉做收費App，今日（12月18日）正式上架，他目前身在台灣，拍製自家節目《尋找他媽的故事》，昨晚在facebook發長文，大爆ViuTV封殺上過喱騷的藝人，「做Viu就唔做得喱騷」。

杜汶澤發文如下：

「見到你哋睇全民造星睇得咁開心，我都好明，始終人係需要娛樂嘅。唔係想掃大家興，但係好多我哋台嘗試接觸過嘅藝人，都話 viu 同佢哋講，做 viu 就唔做得喱騷 ，有趣，唔知以為講緊 Tvb …….

無論係政治立場又好，有利益衝突都好啦，Ok 明嘅，始終我哋個台嘅野心都係想多啲同路人有演出機會，既然藝人有出路，咁梗係做啦。唔通我同人講，viu有冇我個台咁多人睇呀？viu有冇我咁有錢吖？咁咩？

我嘅人生從來都係四面受敵，無驚喜。

不過我螳臂擋車，唔通你無見過咩？

今日無你咁大啫，你唔俾我將來有嘅咩？

唔緊要嘅，做生意長遠都係靠實力，你做得好，大家一定支持嘅。

同事加油！為咗聽日開台嘅事，辛苦晒你哋！」

王喜留言嘲諷ViuTV《全民造星III》，「幾個撈唔起嘅教，五十個撈唔起嘅，點樣撈先撈得起」。其實阿澤過往曾跟ViuTV合作過不少節目，包括《走佬去臺灣》、《Good Night Show 全民星戰（第二季）》和《走佬去馬拉》等。

見到你哋睇全民造星睇得咁開心，我都好明，始終人係需要娛樂嘅。唔係想掃大家興，但係好多我哋台嘗試接觸過嘅藝人，都話 viu 同佢哋講，做 viu 就唔做得喱騷 ，有趣，唔知以為講緊 Tvb…

Posted by 杜汶澤 on Thursday, December 17, 2020

撰文：機