向張智霖挑機！李雲迪暴瘦16.5磅回春　網民：似足整容

大陸綜藝節目《披荊斬棘的哥哥》云集中港台男神，包括香港代表嘅張智霖都係座上客，而鋼琴王子李雲迪都佔一席，不過之後就被網民抨擊，令本尊即時反擊：「我都不算人類高質量男性嗎？」而今日（9日）佢再加碼晒出自拍照，更自爆暴瘦15斤（約16.5磅），連「瘦了15斤的李雲迪」更登上熱搜，足見其人氣之厲害！

佢更上載減肥餐，只得白烚青菜同紅蘿蔔等，非常清淡！而網民就將焦點放喺其臉上，直言一啲都唔似38歲，臉頰明顯瘦削不少，加埋件藍白格仔衫，驟眼睇以為係18歲初出道嘅小鮮肉，似足整咗容咁，顏值升咗唔少，網民都話難怪佢終於敢上載自拍照喇！不過都不忘提醒仍注意身體，以免適得其反！

東網網站 : https://on.cc/東網Facebook專頁 : https://www.facebook.com/onccnews/