感情呢回事,有時候真係「城中的人想出去,城外的人想衝進來」,拍緊拖既時候又嫌對方太痴身太麻煩,無拍拖個陣又覺得空虛寂寞凍!婚戀交友APP「SweetRing」就進行左一個有關單身族最容易厭世既5個時刻既調查,一齊睇下有咩moment上榜啦!
Top1:飲喜酒
呢D咁喜慶既活動,作為一個單身人士到場祝福一對新人,見到人地幸福快樂,而自己仲係孤零零一個,難免會感到傷心!尤其係同場有親朋戚友的話,就更容易俾人追問感情狀況!
Top2:生病/做手術
當身體唔舒服既時候,生理影響心理,係最容易脆弱既時間點,想搵個人照顧下自己都無,咩都要靠自己。如果要做手術,係呢D生死關頭,無個人支持下自己真係好難受!
Top3&4:週末放假+聚會
假期梗係想大吃大喝一頓,就算約朋友,都好難避免朋友「攜眷出席」既情況,你濃我濃既場面,單身朋友真係承受一萬點傷害啊!
Top5:生理需要
無論男女,都想享受親密時刻,所以呢個原因亦好理所當然上榜啦!