歌手胡鴻鈞（Hubert）為新歌《今天不營業》拍攝 MV，新歌除了嘗試新風格，MV亦請來全新的合作班底，Hubert說：「導演借來孫中山紀念館，呢個場地好靚，首MV故事其實都幾超現實，一個打劫嘅情景，我化身成為一個超級英雄，喺時間停頓下用Make Fun嘅方式去拯救世界。」
他指這首歌是想為大家帶來正能量，想提醒自己人長大了，工作生活瑣事變得複雜，但都要謹記自己的初心，活在當下尋回快樂，他說：「超人都會有攰嘅時候，每個人都需要有空間去做自己鍾意嘅事，需要放鬆休息，有自己嘅生活。」
首歌由一個後生仔作曲，他希望透過跟不同年輕人的合作，認識了解更多時下流行的音樂，從而豐富自己。為了今次這個新嘗試，他特意去找馮允謙（Jay）幫忙：「呢個好Chill嘅曲風對我來講係一個挑戰，好感謝Jay抽空同我上堂，佢仲特登錄咗個Demo親身示範，令我自己更加有信心，希望大家都鍾意我呢個新嘗試。」
東網網站 : https://on.cc/東網Facebook專頁 : https://www.facebook.com/onccnews/
留言 0