張致恒（Steven）與太太區燕雯（雯雯）結婚5年育有4子，財困多年至今尚未能改善，雯雯不時在社交網公開嗌離婚鬧爆老公，一度被網民封為「離婚界KOL」。今年6月，Steven扚起心肝完成建造業強制性基本安全訓練課程，成為「職安真漢子」掙錢養家，雯雯亦少再公開指罵他，一家人早前更為孻仔天樂慶祝1歲生日。不過，雯雯今天（9日）凌晨再次在社交網以黑底白字不點名鬧Steven冷血，連三仔天朗呼吸困難也不理會。
她說︰「屋企存在病菌，一個傳一個，仲要全部未病好。今日帶一個朋友小朋友嘔咗回家沖涼，坦白講對人哋同自己小朋友負責任嘅，係咪唔應該呢個時候去博？我知道呢位朋友幫咗我哋好多，我哋係冇可能拒絕，但咁多小朋友，我相信真心朋友嘅會明白。今日朗朗仲要呼吸唔到，要立刻去醫院，當時你喺出面招呼緊朋友，仲要走入嚟大大聲鬧我，連朗朗辛苦到咁、喊到咁犀利都望咗我一眼，細細聲叫咗我一聲媽咪。再到我媽打來，聽到我喊都安慰我，叫我快帶朗去醫院。你？！最記得：佢依家仲有呼吸咪得。係呀，我靜咗咁耐，又出嚟發癲。」
（即時娛樂）
留言 0