【獨媒報導】旺角場周日傍晚上演港超聯煞科終極一戰，今場共有6,489人入場。傑志在兩度落後下追和，兼在末段踢少一人的情況下，戲劇性迫和理文2:2，第六度成為港超聯冠軍。傑志會長伍健認為，今場贏在球員將士用命，每一名球員均「俾到足」。伍健亦大讚對手表現不俗：「我覺得理文做得好好，繼續努力，我哋都係等緊佢追上嚟。我相信佢哋一定有能力追上嚟。」
傑志今場由保羅把關，查現史葛任防守中場，明加索夫領銜進攻，由伊高沙托尼、基爾頓及米基爾輔助策劃攻勢，羅梓駿復任正選。丹恩奴域亦有到場，但就一如預期，未有進入大軍名單。
理文就排出較進取陣式的433，陳嘉豪續任正選守門員，列斯奧與荷西安祖鎮守中路，黃威、迪高及顏樂楓並列中場，基華尼頓、艾華頓及洛迪古斯在前場組成三叉戟。
洛迪古斯先開紀錄 傑志十二碼追和
傑志今場穿上新球衣作賽，但初段未獲幸運之神眷顧。9分鐘，艾華頓右路推進傳送，倒戈相向的洛迪古斯左腳「睇定嚟射」，入波就係咁簡單，理文領先1:0。
19分鐘，明加索夫扭過徐宏傑後殺入禁區，遭列斯奧掃跌，球證譚炳煥直指十二碼，米基爾操刀射入，陳嘉豪捉到路但照入，傑志23分鐘追成1:1平手。
下半場換邊後，50分鐘，伊高沙托尼左路開角球，艾里奧衝頂，立花稜也門前左腳解圍。60分鐘，艾華頓推到禁區頂遭踢跌，他親自操刀罰球惟高出。
艾華頓一度為球隊反先 理文來回地獄又折返人間
傑志上場對東方的足總盃賽事，球證執法惹來爭議，球證譚炳煥今場就無手軟，向兩隊共發出13張黃牌、2張紅牌。63分鐘，明加索夫在左路侵犯艾華頓，兩黃一紅被逐離場，艾華頓處理罰球射近柱被保羅救出。
73分鐘，黃威右路開罰球，艾華頓頂彈地波入網，保羅欲救無從，理文領先2:1。然而，理文僅開心了3分鐘，便來回地獄又折返人間。76分鐘，傑志右路罰球，伊高沙托尼大腳開出，羅素接應楔贏徐宏傑跳頂，陳嘉豪「得個睇字」，傑志瞬間扳平2:2，
理文77分鐘換入馮慶燁串演中鋒，亞哥斯達緊接左路傳中，保羅甩手，可惜馮慶燁未能把握機會，他欲控定射門，但已遭羅素快步清走。理文其後再換入中村祐人、張熹延加強攻勢，但未能為球隊再爭取入球，艾華頓在補時階段，更「出手」侵犯費蘭度，同樣兩黃一紅被逐。
丹恩奴域與隊友慶祝 球迷衝入球場慶祝
傑志在迫和理文後，以2分力壓理文，以18賽15勝2和1負，共得46分，第六度奪得港超聯冠軍。球證鳴笛一刻，大批球迷衝入球場慶祝，保安及康文署職員擋也擋不住。
近期與球會鬧翻的丹恩奴域，他亦入場與隊友慶祝，更與查理史葛擁抱。丹恩奴域在領取冠軍獎牌後，與一眾隊友環繞球場，握手答謝球迷，有球迷更激動落淚。
天文台今日下午曾發出紅色暴雨警告，其中原定下午3點進行，深水埗對東方的賽事要延期。旺角場亦有積水，部分位置更成「薯仔田」，影響球員發揮。
伍健：流浪近況「好勁」 將會盡量阻撓
今場入場人數為6,489人，與同日較早前在青衣運動場，由晉峰對香港U23的賽事同樣扯紅旗「爆棚」。足總副主席霍啟山、行政總裁譚秋朗及立法會民政及文化體育事務委員會主席鄭泳舜等在貴賓席觀戰。
傑志獲得歷來第12次頂級聯賽冠軍，伍健在賽後表示，希望本地足球能有更多高水平、具競爭性的賽事，吸引球迷入場支持。被問到球隊落後時的心情，伍健稱：「我個心態就係『贏就贏，輸就輸』。你話8個港超嘅冠軍，攞咗6個，今日攞唔到，就下一年再嚟過。」
不過，伍健表示，如果球隊落敗，最可惜的就是未能直接晉身亞冠分組賽，幸好已能放下心頭大石。旺角場今季首次掛上紅旗，傑志下周六（13日）會與標準流浪爭奪足總盃冠軍，一旦獲勝連同早前贏得的高級組銀牌冠軍，成為本地三冠王。伍健指標準流浪近況「好勁」：「佢哋有權贏到個足總盃冠軍，我覺得唔出奇，我哋將會盡量阻撓佢。」
伍健指與理文場外是好朋友 盼一起做起球市
《獨媒》問到伍健想向理文說的話，伍健指出，傑志與理文在球場內打生打死，離開球場後則是好朋友：「當然我祝佢好運，就梗係唔包括對我哋好運啦。無論邊個贏都好，個球市要點樣再做返上嚟，靠啲球隊係打生打死、係精彩嘅，係緊張嘅。我覺得理文做得好好，同佢就係繼續努力，我哋都係等緊佢追上嚟。我相信佢哋一定有能力追上嚟。」
伍健表示，傑志每一次與對手爭冠均很燦爛，指從晨曦、愉園，並由南華至理文：「其他嗰啲球隊亦都係慢慢追埋上嚟，個球市就會旺盛啲、燦爛啲！」
三度被追問丹恩均拒談 伍健：所有球員打得好好
記者曾三度問及丹恩奴域的情況，伍健先稱「今日唔講丹恩，講冠軍」。記者再追問伍健，他就表示：「今日我哋將士用命，所有啲球員打得好好。」
傑志主教練朱志光則承認「險過剃頭」，讚揚球員在落後下仍能保持拼勁和紀律。他表示，球隊如要在亞洲賽爭取更好成績，要「改變一啲嘢」，及提升更多，但目前會先聚焦足總盃，透露球隊明早亦會繼續練波。
朱志光稱反映紀律行先 「你天王、狗王咩都係假」
對於丹恩奴域的缺陣，朱志光認為：「反映咗個訊息就話，嚟到傑志，原來都係講緊紀律要行先，佢亦都大唔過個球會，我都希望嚟傑志踢嘅人，我唔理你天王、狗王咩都係假，你都要遵從返紀律。呢一點係傑志今季賺咗，出面言論咩都好。有咩人就用咩人，我過去執掌傑志嘅方法，我就係擺最好狀態啲人出去。」
另外，傑志今場起用費蘭度任中鋒，成為一路奇兵。朱志光就讚揚對方是很好的球員，自言理文亦意想不到其該殺著。
朱志光曾憂慮不能「過五」 感謝球員落力
被問到落後時的心情，朱志光稱曾憂慮是否不能「過五」：「我諗吓，咦，真係唔過到五？我攞咗四次（港超聯冠軍），有啲人話邊過到五！命運有時就係咁，球員落力就得，我都要多謝啲球員。我都唔知點講好，但足球就係咁。我都無估過會打少個，又唔諗過會落後先。足球比賽往往都係咁啦，變化比計劃嚟得快，你幾好計劃，幾好planning 都係假。」
標準流浪同日大勝和富大埔5:1，冠忠南區以1:2不敵港會，流浪贏波後力壓南區升上第三，首次奪得港超聯季軍。由於流浪已同時晉身足總盃決賽，球隊來季將與理文代表香港出戰亞冠盃外圍賽。
記者：麥馬高、周頌謙
留言 0