COLLAR《Gotta Go!》疑抄歌　經理人Wing認衰：講咩都無用

《全民造星IV》八人女團COLLAR最新廣告歌《Gotta Go!》近日出街，新歌旋律輕快充滿夏日氣息，跟代言的飲品襯到絕，不過有大批網民發現新歌旋律相當耳熟，跟日本二人組合YOASOBI的大熱歌曲《向夜晚奔去》（夜に駆ける）非常相似。網上湧現多段網民自製的對比影片，矛頭直指負責被作曲、編曲及監製此歌的音樂人C.Y. Kong，不過COLLAR經理人戴穎（Wing）今日在IG回應，將所有責任攬上身。

Wing本來昨晚仲開心share COLLAR新歌，未料爆出抄歌風波，今日就以上載黑底白字相片，留言：「責任全係我到，我知道講咩都無用亦唔需要解釋，我可以做嘅就係吸取教訓，繼續努力。」面對網民指控，創作人C.Y. Kong並未直接回應，但昨晚就有在個人IG一連上載三首歌曲，分別是日本動畫《盾之勇者成名錄》片尾曲、楊冪的《還過得去》和他在2000年寫給楊千嬅的《深息》，疑似暗示很多歌都旋律相似，曲線反擊抄歌指控，但網民就不太領情。